Fréttir

Jeroen Douglast tók í janúar við stöðu framkvæmdastjóra alþjóðasambands samvinnufélaga (ICA). Hann fer yfir áherslur sínar og sýn á hlutverk samvinnufélaga í viðtali hér. Jeroen er 17. framkvæmdastjóri samtakanna en þau voru stofnuð 1895.

Fimmtudaginn 25. janúar verður 12. útgáfa að skýrslu alþjóðasamtaka samvinnufélaga "World cooperative monitor" kynnt við hátíðlega athöfn Í skýrslunni er fjallað um 300 stærstu samvinnufélög heims m.a. eftir atvinnugreinum og fjallað sérstaklega um ávinning af félagsaðild og hvernig samvinnustarfinu er komið á framfæri.

Kaupfélag Borgfirðinga fagnar 120 ára afmæli sínu í dag, 4. janúar. Félagið starfar á svæðinu frá Hvalfjarðarsveit til Reykhólahrepps en reksturinn snýst nú einkum um sölu á aðföngum til búrekstrar, annars dýrahalds og tengdar vörur. Öll eru velkomin í afmæliskaffi í verslun félagsins í Borgarnesi í dag.

Í áramótaviðtali við Rose Marley framkvæmdastjóra samtaka samvinnufélaga í Bretlandi lítur hún yfir farinn veg á árinu sem er að líða og nefnir ýmis uppbyggingarverkefni í lýðræðislega efnahagskerfinu, eins og hún orðar það.

Samtök smærri bænda í Bandaríkjunum (National Farmers union) leggja mikla áherslu möguleika samvinnustarfs í landbúnaði. Í febrúar 2024 halda samtökin námsstefnu í Minneapolis, sérstaklega miðaða að námsfólki og öðrum yngri einstaklingum.

Aðalfundur SÍS var haldinn í Reykjavík 23. nóv. eins og fram hefur komið. Ágætis mæting var, en hluti fundarmanna tók þátt í gegnum fjarfundabúnað. Talsverð og góð umræða var um framtíðarhlutverk samtakanna en SÍS er eini sameiginlegi vettvangur kaupfélaganna. Nokkur umræða varð líka um mögulega sameiningu háskólanna á Bifröst og á Akureyri, sérstaklega varðandi hvað yrði um Bifröst yrði starfsemi þar hætt. iðræður eru í gangi um samstarf og mögulega sameiningu en engar ákvarðanir liggja fyrir. Nýir fulltrúar í stjórn voru kjörnir Sigurjón Rafnsson frá KS og Halldór Jóhannsson frá KEA. Þeir koma í stað Ólafs Sigmarssonar og Birnu Bjarnadóttur en Birna hafði setið í stjórn í rúm 30 ár. Á fundinum voru þeim þökkuð þeirra störf í þágu sambandsins.